ANIVERSARIO DE SHANELLE

O pasado venres 21 de novembro celebramos na aula de 6º de EI o aniversario de Shanelle, que cumpriu 5 anos. Shanelle tróuxonos un vídeo con fotografías dende o seu nacemento. Logo soprou a vela e desgustamos a tarta de chocolate de aniversario. Foi un momento moi agradable entre música e risas!

 

 

Parabéns Shanelle! 

OBRADOIRO DE EDUCACIÓN VIAL

O pasado xoves 13 de novembro visitounos Quico para ensinarnos aspectos relacionados coa educación vial.

Na primeira parte do obradoiro tivemos unha sesión na biblioteca onde nos explicou as normas que debemos cumprir como peóns, como debemos cruzar un paso de peóns e tamén como  funciona un semáforo. En pequenos grupos fomos practicando o aprendido.

Despois, chegou a hora de poñerse mans á obra! Equipámonos cos chalecos reflecatantes, collemos os nosos vehículos e comezamos a realizar o circuíto que nos preparou Quico! Pasámolo moi ben, como podedes ver no vídeo que vos deixamos a continuación!

Ata a próxima aventura!

SAMAÍN E MAGOSTO NO COLEXIO

O pasado xoves 30 celebramos no centro o magosto e o samaín no centro. Comezamos o día levando ao buzón os nosos medos, dos cales falamos previamente na aula; para despois queimalos e que así desaparezan.

As merendas deste día foron moi variadas, dende pratos feitos con castañas ata outros moi terroríficos!

Para a acabar o día, celebramos unha xornada de convivencia de xogos populares, onde se dividiu a todo o alumnado do centro en pequenos grupos, compartindo deste xeito diversas esperiencias. 

MERENDA TERRORÍFICA!

 

No día de hoxe celebramos todo o ciclo de infantil o primeiro dos obradoiros mensuais que imos a facer durante este curso. Este en concreto tivo como temática o Samaín.

Comezamos a sesión visionando o conto "El banquete de los monstruos" para logo poñernos mans á obra e facer o noso propio banquete!

De forma conxunta fomos elaborando a nosa merenda! Con mandarinas fixemos cabazas, con plátanos e chocolate pequenas pantasmas e por último con paliños de pan e queixo vasoiras de bruxa!  Quedaron merendas realmente terroríficas! E estaban riquísimas! 

Aínda que temos que confesar que debíamos ter pantasmas na aula porque misteriosamente algúns pratos íanse valeirando antes de rematar de elaboralos... 😏 Quen sería?👻

24 DE OUTUBRO: DÍA DAS BIBLIOTECAS

O pasado venres 24 de outubro fomos invitados por Raiola (a nosa mascota do centro) á acudir á biblioteca para celebrar os día das bibliotecas.

Na invitación que deixou polas aulas presentounos o proxecto, o cal leva como título "Con moito conto" e encomendounos a misión de elaborar un conto durante este curso, o cal pasará a formar parte dos fondos da biblioteca. Deste xeito, o venres despois do patio, fomos todo infantil co resto de alumnado do centro, para presentar cada aula a temática do seu libro.

O alumnado de 3 anos escolleu a temática dos contos clásicos e cantáronnos unha canción con estas personaxes como protagonistas.

Cando foi a quenda dos nenos e nenas de 4 anos, ensináronnos os seus contos favoritos e explicáronnos que o seu produto final vai ser unha "ensalada de contos", mesturando personaxes de diferentes historias.

Por último, os nenos e nenas de 5 anos recitáronnos unha adiviña sobre o tipo de conto que ían a utilizar, aventurándose deste xeito nos cómics.

Para finalizar gozamos dun exquisito biscoito! 

Tocará poñerse mans á obra cos contos entón!

SANITÍN E A ALIMENTACIÓN SAUDABLE!

No día de hoxe visitáronnos dúas integrantes do programa "Cores" (consumo responsable), un programa de formación permanente da Escola Galega de Consumo do Instituto Galego de Consumo e Competencia.

Deste xeito, comezamos o obradoiro coñecendo  á mascota "Sanitín" que nos axudou a clasificar os alimentos en "saudables" e "non saudables".

Logo de coñecer a pirámide alimenticia, tivemos unha misión: axudarlle á María a elaborar a súa cena, tendo en conta  que os alimentos que escollésemos deberían ser saudables. Puxémonos man á obra e saíron pratos moi apetecibles!

Agora xa temos claro cales son aqueles alimentos máis saudables para nós e poñerémolo en práctica no noso día a día! 

Gozamos moito desta esperiencia!

CUMPLEANOS DE TAHIEL

 A semana pasada na clase de 5º de Educación Infantil celebramos o cumple de Tahiel.

Escoitamos a canción de cumpleanos feliz e pasámolo moi ben.Tahiel convidou os seus compañeiros/as cunha tarta decorada con moitos dinosaurios, que estaba deliciosa, riquísima.

Tamén degustaron zumes de piña e melocotón.Encantáronlles!!!

Moitas grazas Tahiel e que cumplas moitos máis!!!

MOITAS FELICIDADES !!!

CURSO 2025-2026

 

Benvidos e benvidas ao blogue dos nenos e nenas de infantil do CEIP de Curtis.

Comezamos este curso 2025-2026 con moita ilusión e ganas de aprender. As mestras de educación infantil desexamos que sexa un curso cheo de novas experiencias e aprendizaxes. 

Aquí iremos compartindo ao longo destes meses acontecementos destacados, rechamantes e tamén inesperados do día a día das nosas tres aulas. 

Estade moi atent@s e...

Que comece a aventura!