Nas aulas de Infantil de Curtis tamén traballamos o día
contra a violencia de xénero. Todos os nenos e nenas do ciclo xuntámonos no
aula de 5 anos e as profes explicáronnos o importante que é tratar ben as nosas
mamás e estarlles moi agradecidos por todo o que nos coidan e todo o tempo que
nos dedican. Tamén falamos da importancia de tratarnos ben, respectarnos e
querernos entre nos independentemente de ser nenos ou nenas.
Ademais as profes léronnos o conto Arturo e Clementina no que dúas tartarugas namóranse e casan, pero
Clementina está soa na casa todo o día e abúrrese moito, por se fora pouca
cando Arturo chega a casa non a trata ben, insúltaa e dille que non vale para
nada. Arturo facíalle regalos que Clementina tiña que levar por riba da súa
cuncha ata que foi tan pesado que xa non poido máis e marchou da casa. Todos
decatámonos de que Arturo era moi malo e que así non se pode tratar a ninguén.
A lectura e a posterior actividade axudounos moito para
reflexionar sobre este tema xa que é nestas primeiras idades cando temos que
empezar a traballar todo o relacionado cá educación en valores, para metelo ben
na testa e que nunca, nunca máis se nos esqueza.
No hay comentarios:
Publicar un comentario